धन्यवाद कोरोना...!

धन्यवाद कोरोना तू माणसांच्या मुस्काटात हाणले

तुला सोडून बाकी सगळे मुद्दे कास्पटात गिणले

फॉरेन रिटर्न असल्याचा बेगडा घमंड तो किती

तुझ्यामुळे मात्र सगळ्यांचं विमान वेशिवरच टांगले

तुझ्या येण्यापूर्वी आम्ही हिंदू-मुस्लिम मध्ये तर्रर्र होतो

तुझ्या आगमनाने सर्वांना एकाच खोप्यात कोंबले

गरीब- श्रीमंत, काळा-गोरा भेदभाव नसे काही

तुझ्याचमूळे समानतेचे वारे सगळ्या जगात पांगले

मंदिर,मस्जिद,चर्च, गुरुद्वारा असो नाहीतर विहार

सगळ्या घरामलकांना तू अंधाऱ्या खोलीत डांबले

पुरे झालं तुझा पाहूनचार आता निघून जा लवकर

तुझ्यामुळे आम्हाला माणसांतलेच देवं सुद्धा दिसले.

प्रेमकुमार शारदा ढगे, नागसेनवन औरंगाबाद

9860303216